ओसामाला ठार मारलं, त्याच्या आदल्या दिवशी ओबामा ला त्याच्या आईनी अंगाई गाऊन झोपवलं असं आज व्हाईट हाउस नी अधिकृतपणे जाहीर केलं , ती अंगाई अशी : -
पाकिस्तानच्या गावामध्ये ओसामा लपला ग बाई ...
आज माझ्या ओबामाला झोप का ग येत नाही ....
नसे आमच्या देशात, मुशर्रफ म्हणतो बाई
रझा गिलानी सुद्धा , मान्य करतंच नाही
मात्र आपण त्यांच्या, सांगण्यावर जायचं नाही ..
कसाब ला देखील, त्यांनी आपलं मानलं नाही ....
पाकच्या अबोटाबादमध्ये ओसामा लपला ग बाई ...
आज माझ्या ओबामाला झोप का ग येत नाही ....
गुहा नसे ती बाळा, भाग्य बिल्डींग चे भाळी ..
घरातला केर कचरा, कुंपणाच्या आतच जाळी ..
नसे फोन वा इंटरनेट, फेसबुक , यु- ट्युब नाही ..
तरीही दिवसभर त्याचा, वेळ कसा ग जाई ..
पाकच्या अबोटाबादमध्ये ओसामा लपला ग बाई ...
आज माझ्या ओबामाला झोप का ग येत नाही ....
खबर आहे पक्की, ओसामाचा लागलाय माग ..
जेंव्हा केला 'सी आय ए' नी, कुरियरचा पाठलाग ..
तो पळून जायच्या आधी, करायला पाहिजे घाई ..
पाकिस्तान ला न सांगता, करू आता कारवाई ...
पाकच्या अबोटाबादमध्ये ओसामा लपला ग बाई ...
आज माझ्या ओबामाला झोप का ग येत नाही ....
0 comments:
Post a Comment