कुठेतरी छानसे वाचलेले.....................

भांडा पण माफही करा!
एकमेकांसाठीच असण्याचे गुलाबी दिवस संपतात आणि दोघांचाही 'इगो' मान वर काढतो.
मत पटत नाहीत.
रागवारागवी होते.
शब्दाने शब्द वाढतो.
...चक्क भांडणं होतात आणि सगळंच बिनसतं.


प्रेमात इगो आला की गडबड होतेच. स्वतःच्या आत्मसन्मानाला ठेच लागणार नाही याची काळजी घेताना लहान सहान गोष्टी सोडूनही देता यायला पाहिजे.
भांडणं झाली की प्रेम वाढतं हे खरंच पण भांडण किती ताणायचं हेही समजायला हवं नाहीतर छोत्या गोष्टीचा बागुलबुवा होतो आणि मानं दुखावली जातात.
प्रेमाच्या मामल्यात एकाधिकार आला म्हणजे त्या नात्याचा टवटवीतपणा कुठे तरी कमी व्हायला लागतो.
एक सांगणार आणि दुसरा ऐकणार हे गणित प्रेमासाठी अगदी अयोग्य आहे.दोघांच्या मतानं आणि विचाराने हे नातं फुलायला हवं.
तू तू मै मै गरजेची आहे. पण त्यातून वाद आणि पुढे टोकाची भांडणं झाली तर सगळाच बेरंग होतो.